Нийтэлсэн: - 2010/08/04 02:20 - Мэдээ, мэдээлэл , Мэдээ

Увс аймгийн Улаангом хотын доторхи хатуу хучилттай замын ажил бүрэн дууслаа. Монгол Улсын Ерөнхий сайд С.Батболдыг Увс аймагт ажиллах үеэр 7,6 км хатуу хучилттай замын нээлт болсон юм. Тус аймгаас сонгогдсон УИХ-ын гишүүд тойрогтоо хийх бүтээн байгуулалтын ажлын хүрээнд 2.3 тэрбум төгрөгийн хөрөнгө оруулалт хийсэн байна. Замын засвар, шинэчлэлийн ажил нь Увс аймгийг 2008-2012 онд хөгжүүлэх аймгийн Засаг даргын үйл ажиллагааны мөрийн хөтөлбөрт тусгагдсан томоохон ажлын нэг юм байна.

Авто замын засвар, шинэчлэлийг Увс-АЗЗА компани туслан гүйцэтгэгч компаниудтай хамтран хийсэн байна. Улаангом хотод 1990 оноос хойш ийм их хэмжээний хөрөнгө оруулалтын ажил хийгдээгүй гэнэ. Мөн энэ өдөр Улаангом хотын 6, 7 дугаар багт 100 хүүхдийн багтаамжтай хүүхдийн цэцэрлэг нээлтээ хийж Ерөнхий сайд оролцлоо. Цэцэрлэгийг Арвижих-Увс компани 364 сая төгрөгөөр барьжээ. Тус аймагт сургуулийн өмнөх насны 8345 хүүхэд байгаагийн 2800 гаруй нь цэцэрлэгийн үндсэн бүлэгт, 1900 гаруй нь нүүдлийн гэр цэцэрлэг, ээлжийн бүлэгт хамрагдаж байна